Pidato Bahasa Jawa : Kemerdekaan 17 Agustus
Assalamu’alaikum Warahmatullahi Wabarakaatuh.
Poro rawu sedoyo ingkang kulo hormati.
Ing dalem wakdal ingkang berbahagiya niki, monggo
kulo lan panjenengan sedoyo ngucapaken raos syukur dumateng ngersa-nipun Allah
swt. ingkang sampun maringi nikmat lan rahmatipun arupi sehat badan, lan nikmat
ingkang langkung niku inggih meniko arupi nikmat kemerdekaan bangsa Indonesia.
Lan dinten niki kito sedoyo ngengeti dinten ulang tahunipun ingkang kaping;…70
taun…Mugiyo bangsa Indonesia niki langkung jaya lan raos tenterem, adil lan
makmur.
Shalawat lan salam mugiyo tetep dipun paringaken
dumateng nabi kito Muhammad saw., keluarganipun, poro sahabatipun, ugi kaum
muslimin sedoyo ingkang estu-estu purun ngelampahi ajaran-ajaran Islam ing
dalem gesangipun. Mugi-mugiyo kito sedoyo dados umat beliau ingkang purun
ngelampahi ajaran Islam kanti leres lan estu-estu ing dalem gesang niki.
Poro rawuh sedoyo ingkang kulo hormati.
Ing dalem wakdal ingkang berbahagiya niki, monggo
kito sedoyo raos syukur ateges ngelampahi nopo ingkang sampun dipun paringaken
bangsa Indonesia arupi kemerdekaan niki. Kito sedoyo selaku generasi ingkang
nerusaken perjuanganipun, monggo kito isi kemerdekaan niki kelawan
pinten-pinten kegiatan ingkang saget menunjang kualitas kito sedoyo ing
antawisipun inggih meniko arupi nggiatno lan sregep anggenipun belajar lan
lintu-lintunipun.
Lan kito sedoyo sampun sumerap, mbok beleh saben
tahun kito tepatipun wulan Agustus ngengeti dinten ulang tahunipun. Sedoyo niku
ngerupekaken kangge ngenang malih peristiwa lan pinten-pinten kedadosan wakdal
semanten. Semanten ugi kito dados tiyang Islam ngerupekaken kewajiban nggali
pinten-pinten nikmat ingkang sampun dipun paringaken dumateng kito sedoyo lan
ugi dumateng sedoyo bangsa Indonesia.
Nikmat arupi kemerdekaan ingkang sampun dipun
paringaken dumateng kito sedoyo khususipun lan sedoyo bangsa-bangsa Indonesia
umumipun niku ngerupekaken setunggaling nikmat ingkang paling ageng selaku
bangsa Indonesia. Saking niku kemerdekaan meniko kedah estu-estu kito sedoyo
syukuri. Keranten saget kito sedoyo raosaken ngantos nyogoh-nyogoh lan putu lan
ugi dateng sakterusipun. Kados dawuhipun Allah inggih meniko artosipun :
“Menawi kito sedoyo gelem syukur atas nikmat-nikmat
Allah, mongko ditambahi dening Allah. Lan ananging menawi kito niku ingkar
nikmat-nikmat Allah, mongko kito bakal angsal adzabipun Allah ingkang langsung
Maha Dahsyat.”
Poro rawu sedoyo ingkang kulo hormati.
Kito kedah nyumerapi, Allah swt. nyiptakaken
menungso wonten ing dunyo niki supoyo mados sangu ing kemerdekaan lan
kebebasanipun niku boten wonten lintu supados dados umat ingkang bertakwa
ingkang purun ngajak dumateng kesahenan. merintah marang ingkang sahe lan
nyegah saking keawonan. Milo saking niku, insya Allah kelawan ngelampahi kados
niku negari bade langkung cepet nuju ingkang dipun cita-cita-aken dados negari
ingkang aman lan tenterem, adil lan makmur sedoyo masyarakatipun. Kados dawuhipun
Allah swt. wonten Al Qur’an. serat Al A’raaf, ayat 96, ingkang artosipun :
“Lan Lamon penduduk deso utowo negoro iku podho
iman lan takwa marang Allah, Allah bakal nurunaken berkah (rizeki songko langit
lan bumi, nanging menowo penduduk deso mahu podho durhoko, ngelakoni lelampahan
maksiyat, lan ngelakoni lelampahan-lelampahan doso, Allah bakal nurunaken sikso
marang penduduk mahu, koyo mengkono iku keran-ten lelampahanipun deweke kabeh.”
Poro rawuh sedoyo ingkang kulo hormati.
Mugiyo kito sedoyo saget ngisi kemerdekaan niki
kelawan kesahenan. Akhirul Kalaam. Wassalamu’alaikum Warahma-tullahi Wabarakaatuh.
Pidato Bahasa Jawa Tentang Pendidikan
Assalamu’alaikum Warahmatullahi Wabarakaatuh.
Poro bapak, ibu lan sederek sedoyo ingkang kulo
hormati. Ing dalem dinten ingkang berbahagiya niki monggo kulo lan pan-jenengan
sedoyo ngucapaken raos syukur dumateng ngersanipun Allah swt. ingkang sampun
maringi nikmat lan rahmatipun sehinggo wakdal niki kito sedoyo saget kempal
wonten meriki panggenan kaperlu ngengeti dinten pendidikan Nasional ingkang
tepatipun tanggai kaping kalih saking wulan Mei tahun ;…….
Perlu sanget kito sedoyo sumerapi mbok beleh
pemerintah Indonesia ing dalem kitab UUD 1945 sampun dipun programaken wajib
belajar dumateng warga negarinipun milahi umur pitung tahun. Kito ugi sumerap
ing dalem agami kito Islam ingkang sampun lami ngantos pinten-pinten abad niku,
wakdal nabi saw. taksih gesang sampun mrogramaken utawi anjuraken wajib belajar
dumateng umatipun niku sedoyo maksudipun supados umat beliau dados umat ingkang
nggadahi ilmu pengetahuan lan ugi supados dados umat beliau saw. ingkang boten
bodoh. Masalah niki kados pengendakane nabi saw. ing dalem hadits riwayat Ibnu
Abdil Baar ingkang artosipun :
“Nggoleko ilmu iku senajan ona negari Chino.
Saktemene nggolek ilmu iku dipun wajibno ingatasi saben-saben wong Islam. Lan
saktemene malaikat iku bakal ngerendahno sayape marang wong sing nggolek ilmu
sebab repote marang pengga-wean iku.”
Poro rawuh sedoyo ingkang kulo hormati.
Lan kelawan ngengeti dinten pendidikan Nasional
niki monggo kulo lan panjenengan sedoyo ningkataken malih anggenipun kito ing
dalem mados ilmu, nopo niku arupi ilmu agami utawi arupi ilmu pengetahuan umum.
Ilmu ingkang wonten hubunganipun kaliyan gesang ing dunyo kemawon lan wonten
ilmu ingkang wonten hubungane kaliyan akhirat.
Semanten ugi kito sumerap bentenipun kaliyan tiyang
ingkang nggadahi kaliyan boten nggadah ilmu. Lan mugiyo amal lan ngabekti kulo
lan panjenengan sedoyo dipun terami Allah swt. Amiin yaa Rabbal Aalamiin.
Akhirul Kalaam.Wassalamu’alaikum Warahmatullahi Wabarakaatuh.
KACILAKAN
MONTOR MABUR ING MAGETAN
Durung
suwe iki pancen wis tau dikabarake yen akeh montor mabur sing padha nemahi
kacilakan ing mancanegara utawa ing Indonesia. Durung ana rong sasi kabar mau,
lha kok kasusul maneh kedadeyan montor mabur tiba durung suwe iki, pase ing
desa Geplak, Kecamatan Karas, Magetan, Jawa Timur rikala dina Rebo esuk
kira-kira jam setengah pitu ing tanggal 20 Mei 2009, nalika bangsa Indonesia
mengeti Hari Kebangkitan Nasional. Montor mabur kang tiba lan kobong mau duweke
TNI AU jinis Hercules C-130 nomere A-1325. Miturut pawarta saka layang kabar
lan tivi, montor mabur kasebut budhal saka pangkalan Lapangan Udara Halim
Perdanakusuma Jakarta lan arep tumuju dhaerah Biak, Papua. Nanging durung
nganti tekan papan kang tumuju, lan nalika arep mampir ing Lapangan Udara
Iswahyudi Madiun montor mabur kasebut nemahi kacilakan.
Malah
ing kedadeyan iki, luwih saka wong satus nemahi tiwas klebu warga desa sing
omahe melu kenteban montor mabur kasebut. Saliyane iku, ana wong 15 kang uga
melu nandhang tatu abot lan entheng. Dene omah-omah ing desa kasebut sing
kenteban lan ndadekake remuk lan kobonge udakara patang omah. Ana sing ajur
mumur lan ana sing payone remuk tanpa sisa. Kanthi anane kacilakan montor mabur
duweke TNI AU kasebut mesthi wae ndadekake warga ing sacedhake pangkalan mau
dadi padha jinja. Ing atase ora ngerti apa-apa, ngerti-ngerti ketiban sial.
Sing
cetha kacilakan Hercules C-130 duweke TNI AU mau nambahi tansaya akeh dhaftar
kacilakan montor mabur duweke TNI AU. Pancen akeh sing kandha yen sejatine
montor mabur-montor mabur duweke negara mau akeh sing wis padha tuwa lan kudu
diganti. Nanging gandheng kanthi alesan anggaran ora nyukupi, kepeksa montor
mabur tuwa isih tetep digunakake kanggo ngangkut wong lan barang-barang liyane.
Apa ya pancen kacilakan mau bener-bener amarga saka umure montor mabur sing wis
tuwa utawa saka sebab liyane? Ditunggu wae asil saka katrangane pamarintah bab
sebab-musababe kacilakan montor mabur kasebut.
Kirangen
toya (11/10) Jambul Rt 02 Rw 01 Ganggeng Purworejo
PURWOREJO - sedasaan hektare sabin ing Desa
Jambul, kecamatan Ganggang ngalami kekirangan banyu amargi ora ulih pasokan
banyu. Petani kuwatir produksi mbako bakal keganggu pertumbuhan taneman menika.
Menawi mboten wonten banyu, ananging nanem mbako menika menawi katah toya
inggih mboten sae, dados godong mbako kasebut katah hamanipun. Hama sing
ngrusak godong mbako niku katah.
Akhmad Tohari Ambar, kepala desa ing
desa Ganggang ngendika, sing sampun njabat dados kepala desa suwene kanthi 8
taun menika sampun apal kalih masyarakate sapa wae sing nanem palawija, pantun,
lan mbako. Bapak ingkang ramah menika ngendika yen ing desa Jambul mayoritas
pendudukipun, makaryo wonten ing sabin. Taneman palawija kasebut wonten terong,
lombok, lan jendral (budin).
Wonten ingkang nanem pantun, nanging
ingkang utama menika nanem mbako. Lan bibit mbako menika asalipun tumbas
piyambak. Tumbasipun wonten ing Soka (nggon adol bibit palawija), ana uga sing
langsung ndeder piyambak. Nanem mbako menika kasile lumayan akeh. Mbako menika
sampun saged dipun panen, menawi sampun umur 80 – 90 dinten.
“Desa jambul inggih kekirangan
banyu, namung kangge pengairan wonten sabin, menawi kanggo kebutuhan sedinten –
dinten menika inggih Alhamdulillah mboten kekirangan”, ngendikane Ahmad Tohari,
Jambul Purworejo, kemis(10/12).
Akhmad Tohari, ngendika yen ing desa
Ganggeng menika, nalika kekirangan toya, masyarakat menika inggih usaha
piyambak - piyambak. Pemerintah dereng nderek campur tangan ngenani bab
kekirangan toya wonten ngriki.
Caranipun nangani kekirangan toya
wonten sabin, inggih menika nganggo disel, lan banyunipun njupuk saking lepen.
Lajeng menawi toya ingkang wonten lepen asat,, inggih saged ngangge jetPAM lan
toyanipun menika njupuk saka sumur bor.
Sumur bor wonten desa Ganggang
jeronipun namung 40-60 meter, inggih sampun medal toyanipun. Menawi sumur biasa
menika jeronipun namung 8-10 meter.
Mbako menika ingkang ditanem inggih
ingkang nduweni jenis kenanga utawa ingkang sampun dikenal tembakau bendungan,
dadi idola petani mbako ing Kabupaten Purworejo. Jenisipun mbako menika
dideleng mutune iku luwih apik, katimbang jenis liyane.
“
saka wiwit mbien wonten mriki sampun biasa nanem mbako jenisipun tembako bendungan”,
ngendikanipun Dasio (40) salah sijining petani mbako tiyang desa Ganggang Purworejo, Kamis (10/12).
Ngendikanipun
uga, petani wonten desa ing Purworejo kaya dene ing Desa Kemanukan, Piji lan
sekitar. Wonten uga petani ingkang ngembangake tembakau Wonosobo, tembakau
pasir lan liyane, namung regane menika luwih murah katimbang tembakau
bendungan. “ Perkembangane apik, ananging regane esih kalah,” panjelasanipun
Dasio sing ngendika, menawi reganipun murah ananging kangge jenis bendungan
tesih payu antara 30- 40ewu per kg.
Lajengipun,
sing tumbas menika luwih paham jenis tembakau satunggal jenis lan jenis liyane.
Lan uga apal asal daerah mbako menika nanem wonten desa pundi,” ngendikane.
BANJIR TEKA MANEH
Wis adat saben, tekane mangsa rendheng kang tumiba ing sasi Desember nganti tekan tengah-tengahing April, dibarengi karo pawarta-pawarta kang ana gegayutane karo banyu udan, kayata banjir, angin lesus, lemah longsor, lan liya-liyane. Yen wis ngono, kabeh jinis informasi elektronik apadene medhia cetak kang sumebar ing masarakat, kayata radhio, tivi, internet, koran, lan sapanunggalane dikebaki dening pawarta banjir. Wiwit tangi turu nganti arep mapan turu maneh, pawarta banjir ora ana kendhate ngrenggani acara-acara ing medhia kasebut. Durung suwe ing wiwitaning sasi Januari kepungkur, banjir bandhang wis dumadi ing tlatah Jember Jawa Timur lan Wonosobo. Sawise kuwi ganti-gumanti liya dhaerah keterak banjir.
Kang kalebu banjir gedhe ing wiwitaning taun iki yaiku banjir kang dumadi ing pesisir lor Jawa utawa kondhange disebut pantura Jawa. Banjir kang dumadi ing tlatah iki meh rata saka tlatah kulon kang klebu dhaerah Jawa Barat nganti tekan pesisir sisih wetan kang klebu ing dhaerah Jawa Timur. Semono uga dhaerah pesisir Jawa Tengah, kalebu Semarang mangetan lan mangulon ora keri, melu kebanjiran. Malah miturut kabar saka medhia tivi lan surat kabar, ana tlatah kang keleban nganti suwene seminggu luwih, amarga ora asat-asat lan udan tetep grejih. Durung maneh, longsor lan banjir cilik-cilikan ing saben tlatah utawa kabupaten mesthi ana. Tundhone musibah saka banyu udan wis ora bisa diselaki maneh. Korban manungsa, raja kaya lan raja brana wis ora bisa kaetung maneh.
Saka musibah banjir kasebut yen didelok, saben taune nuduhake ora saya suda nanging suwalike malah saya gedhe lan dhaerah sing kena banjir saya rata. Apa ateges iki sing diarani jaman karusakan (kalabendu)? Nalika jaman saya maju lan akeh wong winasis, suwalike alam saya bubrah lan rusak. Endi sing kudu disalahake, manungsane apa alame?
Mangsa Akeh Butuhe
Ing sasi-sasi kaya ngene iki, ngancik sasi Juni nganti tekan Agustus, wis bisa dibedheg, inflasi luwih dhuwur tinimbang ing sasi-sasi sadurunge. Amarga ing sasi-sasi iki akeh warga masarakat padha ngoyak butuh lan akeh ngetokake wragad. Sing wragad kanggo sekolah, kanggo tuku sandhangan sekolah, tuku buku lan tas sekolah, kanggo plesiran, nganti kabutuhan kanggo mapagake sasi Pasa. Kanthi akehe butuh kang kudu dirampungake, mesthi wae akeh dhuwit kang kudu dicekel kanggo mbayar sakabehing kabutuhan mau. Nalika akeh butuh kang kudu dirampungake, mesthine rega-rega barang terus melu mundhak. Pancen bener, salah sijine conto, rega mlebu sekolahan, saben taune mesthi mundhak luwih saka 10%. Durung kabutuhan liyane, mesthi regane uga melu mundhak, kayata sandhangan, tas, sepatu, buku, lsp.
Akeh wong butuh dhuwit kanggo mbayar sakabehing kabutuhan sekolah. Yen pas ora ana dhuwit, apa kang diduweni bisa wae didol utawa digadhekake. Yen wis ngono papan-papan pagadhean dikebaki dening pawongan sing padha nggadhekake duweke, kayata emas, pit montor, mobil, laptop, lan sapanunggalane. Kang pokok enggal cekel dhuwit kanggo mbayar sekolah. Amarga nglebokake sekolah ing jaman saiki larangane ora jamak, wiwit saka TK nganti tekan Pawiyatan Luhur (Perguruan Tinggi). Kamangka yen mbayar sekolah, utamane dhuwit gedhung apadene sragam lan buku ora kena disemayani, lan kudu dibayar kenceng aliyas kontan.
Semono uga ngancik sasi Pasa utawa Ramadhan, mesthi rega-rega sembako bakal mundhak. Wis otomatis lan wis adat saben, saben taune. Yen rega-rega sembako padha mundhak, ateges anggone ngetokake dhuwit kanggo blanja tansaya akeh. Durung barang-barang lan jasa liyane kang magepokan karo Pasa lan Lebaran (Bada), mesthi ora kalah, kabeh melu mundhak. Mula saka kuwi, ing sasi-sasi iki memper yen diarani mangsa akeh butuh. Yen ora bisa ngendhaleni butuh, bener-bener bisa tombok.